شيالة اطفال صحية ومريحة لف مرنة من بيبي راب (رمادي فاتح)

كتير من الأمهات بتسأل إيه الفرق بين البيبي راب وشيالات الأطفال التانية؟ الفرق كبير وهنوضحه بالنسبة للأم وبالنسبة للطفل: 1. بالنسبة للأم: الشيالات العادية بتكون مؤلمة جدًا لضهر الأم ومبتقدرش تفضل لبساها فترات طويلة وده لإنها بتحمل على العضلة بين كتف ورقبة الأم. في حين الراب بتوزع حمل الطفل على كتف وضهر الأم ومش بتسبب آلام - وده بيكون واضح في شكل الشيالة من عند الرقبة والضهر- وبالتالي الأم تقدر تلبسها فترات طويلة بدون أي ألم. 2. بالنسبة للطفل: الطفل مش بيتولد بعمود فقري منحني (زي العمود الفقري للكبار) ، الطفل بيتولد بعمود فقري على شكل c زي وضعية الجنين، وبيتحول للشكل المنحني العادي بمرور الوقت أثناء تعلم المشي بعد حوالي سنة لسنة ونص. علشان كده وضعية العمود الفقري على شكل حرف c هي الوضعية الصحية المناسبة لما تشيلى طفلك مع الدعم المناسب للرجل وده بيضمن النمو بشكل سليم و طبيعي جدًا أثناء مراحل التطور الحركي للطفل. الراب بتستخدم من أول يوم، بتدعم وضع الطفل في الأسابيع الأولى من عمره وهو وضع الـ C shape بالنسبة للضهر، والـ M shape بالنسبة للحوض، ومش بتجبر الطفل يفرد ضهره أو يكون مدلدل زي الشيالات العادية (واللي ممكن تسبب خلع في مفصل الحوض)، بالعكس في بنون راب بيكون مرفوع في حضن الأم والشيالة شيلاه تمامًا مش محمل على عضمه نهائي. بعد حوالي 3 شهور بيبدأ الطفل يفرد نفسه والشيالة بتدعمه في وضع الـ M shape وهو أأمن وضع لحوض الطفل، كإنه قاعد .. من غير بردو ما يكون مدلدل ورجله مقوسة زي الشيالات العادية.